ضمني ټاکنو کښې ماتې، وزیراعظم شهباز شریف مهمه غونډه راغوښتې

باغی ټي وي رپورټ

د پنجاب اسمبلۍ ضمني انتخاباتو کښې له ماتې وروسته د وزیراعظم شهباز شریف په مشرۍ کښې مهمه غونډه روانه ده.

دسرچينو ترمخه دوزيراعظم په مشرۍ کې يوه مهمه غونډه لاهور کې روانه ده چې پکې دپنجاب وزيراعلي حمزه شهباز، سردار اياز صادق، سعد رفيق اؤ عطاء الله تارڑ شامل دي.

سرچينې زياته کړې، چې په دې ليدنه کې د ټاکنو پر پايلو او راتلونکي سياسي وضعيت خبرې وشوې.

ياده دې وي چې تر دې دمه د پنجاب اسمبلۍ پر ۲۰ څوکيو د ضمني ټاکنو د پايلو له مخې پاکستان تحريک انصاف په ۱۱ څوکيو بريالی شوی او مسلم ليگ ن يوازې يوه څوکۍ ګټلې ده.

مسلم لیګ (ن) ګوند او ددې ګوند مشر ملک احمد خان هم په ضمني انتخاباتو کښې خپله ماتې منلې ده.