باغی ټي وي رپورټ
د پاکستان تحریک انصاف مشر فواد چوهدري د پنجاب ضمني انتخاباتو کې د رایې اچونې بهیر او د ووټرانو ټرن آوټ ښه وباله.
د پي ټي آئي مشر فواد چوهدري د لاهور په حلقه پي پي 167 دوره کړې او د ضمني انتخاباتو په اړه د خبرو په مهال وئيلي دي چې پولنګ په ډېر ښه ماحول کښې روان دے، لږې شکايتونه هم شته خو ظاهراً ماحول خوندور دی او موسم اوس هم همکاري کوي.
فواد چوهدري وويل په مجموعي توګه د ووټ اچولو شرح ښه ده، مونږ هيله من يو چې خپل هدف ترلاسه کړو، کله ناکله پيښې رامينځته کيږي خو مونږ بايد په امنيت معامله نۀ کړو، مونږ پرامن خلک يو او د ووټ حق به استعمالوو.
فواد چوهدري غوښتنه کړې چې څوک چې ووټونه لري هغه دې سمدستي پولنګ سټېشن ته ورشي او خپله دنده ترسره کړي، مونږ خوشحاله يو چې خلک په خپله ووټ اچولو ته راوځي.
د الېکشن کمېشن په اړه د پي ټي ائي مشر اووېل چې اليکشن کميشن په انتظامي لحاظ نا اهله ثابت شوے دے خو د اوس لپاره په همدې اليکشن کميشن انحصار کول پکار دي۔
Leave a Reply