متقي: هڅه کوو افغانستان د سیمې پۀ کچه د ټرانزیټ پر مرکز بدل کړو

متقي: هڅه کوو افغانستان د سیمې پۀ کچه د ټرانزیټ پر مرکز بدل کړو

د سرچینې په وینا، په ناسته کې هوکړه شوې چې د سرحدي مسایلو د څېړلو او د دوه اړخیزو همکاریو د پیاوړتیا په موخه به د افغان او ایراني حکومت پلاوي خپل منځي ناستې کوي تر څو دواړه هیوادونه په بېلا بېلو برخو کي له تجارت او دوه اړخیزو همکاریو څخه ښه استفاده وکړای شي.

(2022 / 7 / 17   نېټه باغي ټلویزیون)

بشپړ راپور 

د هېواد د بهرنیو چارو وزارت سرپرست مولوي امیرخان متقي ویلي چې هڅه کوي افغانستان د سیمې په کچه د ټرانزیټ په مرکز بدل کړي او په دې لړ کې به د ایران او تاجکستان تر منځ تجارتي اموالو ته د انتقال په برخه کي لازم تسهیلات رامنځته شي.

نوموړي دا څرګندونې په کابل کې د ایران له سفیر بهادر امینیان سره په لیدنه کې کړې دي. د یاد وزارت د ویاند مرستیال ویلي چې په دې ناسته کې د افغان کډوالو پر ستونزو، محبوسینو، مخدره توکو، سرحدي مسائلو، دوه اړخیزه سوداګري او همکاریو خبرې اترې شوې دي.

د سرچینې په وینا، په ناسته کې هوکړه شوې چې د سرحدي مسایلو د څېړلو او د دوه اړخیزو همکاریو د پیاوړتیا په موخه به د افغان او ایراني حکومت پلاوي خپل منځي ناستې کوي تر څو دواړه هیوادونه په بېلا بېلو برخو کي له تجارت او دوه اړخیزو همکاریو څخه ښه استفاده وکړای شي.