د پنجاپ په ضمني ټاکنو کښې یوې ناوې هم خپله رای کارولې ده

باغی ټي وي رپورټ
د پنجاب اسمبلۍ په ۲۰ حلقو کې د روانو ضمني انتخاباتو په مهال یو سل کلن بوډا او یو ۷۰ کلن نابینا سړی او یوه نوې واده شوې جوړه هم ووټ اچولو ته راغلي وو.

د پنجاب اسمبلۍ حلقه پي پي 228 لودھران 5 کښې يو سل کلن بوډا خپله ووټ اچولو لپاره راغلے وو، د سل کلن پير بخش سره د هغه زوئ او لمسي هم ووټ اچولو لپاره راغلي وو، نيکه او لمسي هم خپله ووټ کاسټ کړے دے۔ نیکه او لمسي یو سیاسي ګوند ته رایه ورکړې ده په داسې حال کې چې زوی یې بل سیاسي ګوند ته رایه ورکړي.

بل اړخ ته د ډي جي خان حلقه پي پي 288 کښي يو 70 کلن ړوند خپل ووټ اچولو لپاره راغلي وو۔

د يادونې وړ ده چې د پنجاب په 20 حلقو کې د ضمني انتخاباتو لپاره پولنګ روان دي، د ووټ اچولو عمل چې د سهار په اتو بجو پيل شو د مازيګر تر پنځو بجو پورې به پرته له وقفې دوام وکړي.
بل اړخ ته د لودهرا حلقه پي پي 228 پولنګ سټيشن نمبر 27 ته نوې واده شوې جوړه ووټ اچولو لپاره رسيدلې ده۔

په دې اړه له رسنيو سره د خبرو پر مهال ناوې وويل، چې رايه ورکول ملي مسووليت دى، مېلمانه او د ولیمې غونډې ګډون وال مو پريښودي دي او رای اچونې لپاره راغلې یم، ناوې اوویل چې د ملک مشر چې ښه وټاکل شی نو د ملت راتلونکى به ښه وي.