خلیلزاد: امریکا د افغانستان د منزوي کېدلو پلان نلري
د افغان سولې لپاره د امریکا پخواني ځانګړي استازي خليلزاد ويلي، له افغانستان سره د امریکا اړیکې د دوحې په هوکړه پورې تړلې دي او څومره چې دا هوکړه عملي کېږي له کابل سره به د واشنګټن اړیکې ښې شي.
(2022 / 7 / 17 نېټه باغي ټلویزیون)
بشپړ راپور
زلمي خلیلزاد وايي، امریکا تر دې دمه د افغانستان د منزوي کولو یا اقتصادي او سیاسي ماتې پلان نه لري.
د افغان سولې لپاره د امریکا پخواني ځانګړي استازي خليلزاد ويلي، له افغانستان سره د امریکا اړیکې د دوحې په هوکړه پورې تړلې دي او څومره چې دا هوکړه عملي کېږي له کابل سره به د واشنګټن اړیکې ښې شي.
نوموړي ويلي، چې ددې هوکړې ډېرې برخې نه دي عملي شوې نو له همدې امله امریکا هم خپل ديپلوماتیک ماموریت ځنډولی دی.
خلیلزاد زیاتوي چې د نوي حکومت له مشرانو سره په خبرو او مذاکراتو بوخت دي او دوی دې ته هڅوي چې د دوحې هوکړه عملي کړي.
هغه ټینګار وکړ چې د دوحې هوکړه د ټولو اړخونو په ګټه ده او عملي کول به یې د افغانستان او نړۍ ترمنځ اړیکې ښې کړي.
Leave a Reply