د هندي رسنیو د خبر پۀ اساس ۲۱ تنه نور افغان سیکان هند ته ورسېدل 

 د هندي رسنیو د خبر پۀ اساس ۲۱ تنه نور افغان سیکان هند ته ورسېدل 

  د تېرې غبرګولي میاشت پر ۲۸مه د کابل په کارته‌پروان سیمه کې د افغان سیکانو پر عبادتځای برید وشو چې د حکومتي چارواکو په وینا د یوه سیک پر وژلو سربېره اووه تنه نور پکې ټپیان شول.

(2022 / 7 / 16   نېټه باغي ټلویزیون)

بشپړ راپور 

هندي رسنیو خبر ورکړی چې له کابله ۲۱ نور افغان سیکان او هندوان هند ته بېول شوي دي.

د رسنیو د معلوماتو له مخې، دا کسان له ویزې او پاسپورټ پرته هند ته لېږدول شوي دي.

دا په داسې حال کې ده چې څه موده وړاندې د هند حکومت ویلي وو چې په افغانستان کې د پاتې افغان سیکانو او هندوانو لپاره به د بېړنۍ ویزې یو پروګرام جوړوي او د انلاین ویزې له لارې به سل تنه سیکان هند ته لېږدوي.

  د تېرې غبرګولي میاشت پر ۲۸مه د کابل په کارته‌پروان سیمه کې د افغان سیکانو پر عبادتځای برید وشو چې د حکومتي چارواکو په وینا د یوه سیک پر وژلو سربېره اووه تنه نور پکې ټپیان شول.

د هغه برید داعش وسله‌والې ډلې ومانه.

افغانستان کې سیکان او هندوان څو ځله تر بریدونو لاندې راغلي. د ۲۰۲۰ د مارچ پر ۲۵مه هم په کابل کې د یوه برید له امله شاوخوا ۲۷ سیکان ووژل شول.