د ایران په شمس آباد صنعتي ښارګوټي کې د مبل جوړونې څو فابريکې د اور له امله سوځېدلي دي.
شمس آباد د ايران پلازمېنې اړوند په ختيځه سيمه کې پرته سيمه ده چې ګڼ شمېر بېلابېلې فابريکې پکې فعاليت کوي.
راپورونه وايي چې دغه فابريکې د ۱۲ زره متر مساخت په اندازه سوځېدلي، خو اور وژونکي بريالي شوي چې د اور د پراخېدو مخه ډب کړي.
ايراني چارواکي وايي چې په دغه اورلګېدنه کې يادو فابريکو ته ډېر زيان اوښتی او د اورلګېدنې لامل هم لا تر دې دمه نه څرګند شوی.
دا په داسې حال کې ده چې تېره ورځ د انټرنېټ د هکرانو يوې ډلې د ايران د پولادو په يوې فابريکې اور بل کړی ؤ.
دوی د خپل د دې کار يوه ويډيو هم رسنيزه کړې وه.
د دې برخې کارپوهانو ويلي ؤ، که دغه بريد رښتيا وي، دا به ترټولو هغه خطرناکه انټرنېټي بريد وي چې د مالي زيانونو سبب ګرځي.
Leave a Reply