د اوکراين او روسيې استازي د ملګرو ملتونو په منځګړتوب نن د ترکيې په استانبول ښار کې د خبرو اترو نوی پړاو پيلوي. د دې ليدنې اصلي موخه د خوراکي توکو کمښت ستونزې ته د حل لارې موندل دي.
دمګړی روسيې د اوکراين ټول اصلي بندرونه تړلي او اوکراين نشي کولی چې ميليونونه تنه زېرمه شوې غلې نورو هېوادونو ته صادر کړي.
اوکرايني چارواکو رسنيو ته ويلي، په هغه صورت کې چې دغه خبرې اترې بريالۍ شي او ملګرو ملتونو سره هوکړې ته ورسېږي، نو ښايي د څو اونيو په ترڅ کې اوکراين له سره خپل صادرات پيل کړي.
اوکراين چې د نړۍ په کچه د خوراکي توکو يو لوی صادروونکی هېواد دی، شاوخوا ۹ سلنه د نړۍ غنم او ۴۲ سلنه غوړي تامينوي.
په اوکراين کې روانې جګړې د نورو زيانونو ترڅنګ نړيوال مارکېټ د خوراکي توکو د بيو لوړېدو سره مخ کړی او دغه چاره اقتصاد پوهان خورا خطرناکه بولي.
Leave a Reply