د سریلانکا ولسمشر لۀ دغۀ هېواده تښتېدلی دی
رسنیو راپور ورکړی چې ددغه هېواد ولسمشر تر سختو لاریونونو او د ولسمشرۍ ماڼۍ تر محاصره کېدو وروسته څو ورځې پټ و او اوس یې له دغه هېواد پښې سپکې کړې دي.
(2022 / 7 / 13 نېټه باغي ټلویزیون)
بشپړ راپور
د سریلانکا ولسمشر له خپل هېواد وتښتېد. رسنیو راپور ورکړی چې ددغه هېواد ولسمشر تر سختو لاریونونو او د ولسمشرۍ ماڼۍ تر محاصره کېدو وروسته څو ورځې پټ و او اوس یې له دغه هېواد پښې سپکې کړې دي.
په دې سره په سریلانکا کې د یوې کورنۍ څو لسیزې واکمني پای ته رسېدلې ده.
خلکو په دغه هېواد کې وروسته له هغه لاریونونه وکړل چې ګراني اوج ته ورسېده خو حکومت یې د کنټرول لپاره هېڅ اراده نه لرله.
ویل کېږي چې د سریلانکا تښتېدلی ولسمشر مالدیو ته تللی دی او دمګړی په دغه هېواد کې هېڅ حکومت نشته دی.
Leave a Reply