ارزګان کې د وروستیو سېلابونو لۀ امله د مړیو شمېر لوړ شوی دی 

ارزګان کې د وروستیو سېلابونو لۀ امله د مړیو شمېر لوړ شوی دی 

د یادونې ده چې د سیمه ییزو چارواکود څرګندونو له مخې؛ په تېرو دوو ورځو کې په خاص ارزګان، ګيزاب او چورې ولسواليو کې راوتلیو سېلابونو خلکو ته درانه مالي زيانونه اړولي دي.

(2022 / 7 / 12   نېټه باغي ټلویزیون)

بشپړ راپور 

د ارزګان ولایت سیمه ییزو چارواکو ویلي چې په دغه ولایت کې له تېرو دوو ورځو راپدېخوا د اورښتونو له امله راوتلیو سیلابونو لږ تر لږه ۲۶ کسان مړه کړي، لسګونه کسان ټپیان دي او په سلګونو کورونه یې نړولي دي.

راپورونه وایي چې د افغانستان د سرې میاشتې ټولنې لخوا ځپل شویو سیمو ته مرستندویه ډلې رسېدلې دي او تر اوسه پورې یې لسګونه سیلاب ځپلو کورنیو ته بېړنۍ مرستې وېشلې دي.

د سیمې اوسېدونکي وایي چې وروستیو سیلابونو په هکتارونو کرنیزې ځمکې هم وړې دي.

د یادونې ده چې د سیمه ییزو چارواکود څرګندونو له مخې؛ په تېرو دوو ورځو کې په خاص ارزګان، ګيزاب او چورې ولسواليو کې راوتلیو سېلابونو خلکو ته درانه مالي زيانونه اړولي دي.