شاهد اپریدي ولې شاهین شاه اپریدۍ د لاهور قلندرز کپتانۍ څخه منع کړې وو؟

باغي ټي وي رپورټ
د ملي لوبډلې تېز بالر شاهین شاه افریدي د خپل خسر شاهد اپریدي لخوا په پي ایس ایل کې د لاهور قلندرز لوبډلې د استازیتوب د مخالفت لاملونه وړاندې کړي دي.

د جیو نیوز پروګرام ‘ایک دین جیو کې ساتهه’ کې د خبرو پر مهال شاهین افریدي وویل، “په ځوانۍ کې د کپتانۍ له ترلاسه کولو وروسته، د خلکو لپاره دا منل خورا ستونزمن وو، ډیری خلکو ویل چې دا به زما په بالینګ اغیزه وکړي.”

شاهین وویل: “ما هڅه وکړه چې په بالینګ باندې ډیر تمرکز وکړم، د لاهور قلندرز څخه مننه چې په ما یې ډیر باور وکړ.”

کوربه سهیل وڑائچ د کرېکټ لوبغاړي څخه پوښتنه وکړه، “ایا ستا خسر شاهد افریدي د لاهور قلندرز د کپتانۍ څخه منع کړی ې؟”

شاهین په ځواب کې وویل “هغوی زه منع کړم چې زما بالینګ خراب نه شي ځکه چې په ځوانۍ کې د کپتانۍ فشار ډیر دی. ښکاره ده چې هغه کپتاني کړې او په دې پوهیږي.”
تاسو فشار څنګه اداره کوئ؟

د دې پوښتنې په ځواب کې شاهین وویل چې د کپتان په توګه به چې کله یو توپ اچوونکي څخه ډیرې مندې وشوې، نو هڅه به مې وکړه چې فضا نوره هم ښه کړم، نو زه به ورغلم او په غیږ کې به مې ونیل، و به مې هڅول، ویل به یې چې څه وشول نو هغه وشول ،وړاندې خپلې ښې هڅې او بالنګ ته دوام ورکړه.
د پاکستان د ملي کرکټ په لوبډله کښې د سیاست په اړه شاهین شاه اپریدي د سهیل وړایچ د پوښتنې په ځواب کښې شاهین شاه اوویل چې الحمدلله

اوس داسې څه نشته، هغه اوویل چې مونږ په ګډه لوبه کوو، موږ بايد د پاکستان لپاره لوبه وکړو، دا مهال په لوبډله کې ټول لوبغاړي ځوانان دي، ټول يو د بل ملاتړ کوي او له کرکټ څخه خوند اخلو.