ارزګان کې وروستیو سېلابونو ۲۶ کسان وژلي دي

ارزګان کې وروستیو سېلابونو ۲۶ کسان وژلي دي 

د ارزګان د والي مرستیال ویلي چې په تېرو دوو ورځو کې د دغه ولایت په بېلو سیمو کې راوتلیو سیلابونو ۲۶ کسان مړه کړي او لسګونه نور ټپیان شوي دي.

(2022 / 7 / 11   نېټه باغي ټلویزیون)

بشپړ راپور 

د ارزګان ولایت سیمه ییزو چارواکو ویلي چې په دغه ولایت کې راوتلیو وروستیو سیلابونو لږ تر لږه د ۲۶ کسانو ژوند اخیستی دی.

د ارزګان د والي مرستیال ویلي چې په تېرو دوو ورځو کې د دغه ولایت په بېلو سیمو کې راوتلیو سیلابونو ۲۶ کسان مړه کړي او لسګونه نور ټپیان شوي دي.

د یاد چارواکي په خبره، دا سیلابونه په خاص ارزګان، ګیزاب او چورې ولسوالیو کې راوتلي دي چې د ځاني زیان سربېره یې ګڼ مالي زیانونه هم اړولي دي.

زلزله ځپلې بیا له حکومت څخه د مرستې د غوښتنې ترڅنګ وایي چې سیلابونو یې هستي او نیستي له ځانه سره وړي دي.