باغي ټي وي رپورټ
د مسلم لیګ (ن) مشرانو ایاز صادق او خواجه سلمان رفیق د خپلو وزارتونو نه د استعفا لامل مخې ته راغلی دی.
سرچينې وائي مسلم ليګ(ن) دلاهور ضمني انتخاب په هر صورت کې ګټلو لپاره تګلاره جوړه کړې ده اؤ ددغه تګلارې لاندې سردار اياز صادق اؤ سلمان رفيق استعفى ورکړې ده.
دسرچينو له مخې دواړه مشران به په ضمني انتخاباتو کې برخه اخلي.
دسرچينو ترمخه اياز صادق اؤ خواجه سلمان رفيق به لاهور کې دپارټۍ کانديدانو لپاره کمپاين کوي، دواړو مشرانو دانتخاباتي کميشن د ضابطه اخلاق له امله دوزارتونو څخه استعفي ورکړې ده.
ياده دې وي چې د پنجاب په 20 حلقو ضمني انتخابات د جولائي په 17مه نيټه کيږي چې دغه څوکۍ د پي ټي آئي د منحرفه غړو د لرې کولو له وجې خالي شوې وې.
ایاز صادق د اقتصادي چارو وفاقي وزیر او سلمان رفیق د پنجاب د سپیشلائزډ روغتیا پاملرنې او طبي تعلیم وزیر وو.
Leave a Reply