باغی ټي وي رپورټ
د هند سترې محکمې مسلمان خبریال او د ALT نیوز شریک بنسټ ایښودونکي محمد زبیر ته لنډمهاله ضمانت ورکړی او د محمد زبیر په غوښتنه یې د اله آباد عالي محکمې حکم ننګولو لپاره د یوپی پولیسو ته نوټس صادر کړی دی.
د هندي ميډيا له مخې سترې محكمې محمد زبير ته په دې شرط د پنځو ورځو لپاره عبوري ضمانت وركړې چې هغه به د دې مسلې په اړه ټويټ نه كوي او د سيتاپور مجسټرېټ د محكمې صلاحيت به نه پرېږدي.
ياده دې وي چې د ALT News شریک باني محمد زبير د پټيالا يوې محکمې د ۱۴ ورځو په جوډيشل ريمانډ زندان ته لیږلې وو.
په ۲۰۱۸ کال کې د ډیلي پولیسو دا مسلمان خبریال محمد زبیر د یوه ټویټ له لارې مذهبي احساساتو ته د سپکاوي په تور نیولی وو.
دا خبره مهمه ده چې د هند یوې محکمې د نیول شوي مسلمان خبریال او د الټ نیوز شریک بنسټ ایښودونکي محمد زبیر د ضمانت غوښتنه رد کړې او هغه یې د ۱۴ ورځو په قضايي ریمانډ زندان ته استولی وو.
د هندي ميډيا له مخې محمد زبير د نوي ډيلي په پټياله عدالت كښې وړاندې كړے شو چرته چې عدالت د محمد زبير د ضمانت درخواست رد کړو او زندان ته د لیږلو پریکړه ی وکړه.
Leave a Reply