رانا ثناالله په ضد د نشه ی توکو مقدمه غلطه پریکړه وه: فواد چوهدري

باغی ټي وي رپورټ
د پاکستان تحریک انصاف مرکزي مشر او د اطلاعاتو پخواني وزیر فواد چوهدري اعتراف کړی دی چې د مسلم لیګ (ن) د مشر او د کورنیو چارو وزیر رانا ثناءالله خلاف د هیروئین سمګلنګ مقدمه غلطه وه.
د پروګرام د کوربه فواد چوهدري نه پوښتنه وشوه چې که پي ټي ائي د رانا ثناءالله په ضد مقدمه نه وي درج کړې نو بیا چا درج کړې ده؟ په ځواب کې فواد چوهدري وويل چې ددې به اړه دې رانا ثناء الله نه پوښتنه وکړي، هغه په اسمبلۍ کې ښکاره خبرې کوي.
کله چې کوربه ترې وپوښتل چې ایا د نشه يي توکو پر وړاندې د مبارزې د پخواني وزیر شهریار افریدي یاد نه دی چې په مطبوعاتي کنفرانس او قومي اسمبلۍ کې یې حلف هم پورته کړی و، نو فواد چوهدري په ځواب کې وویل چې شهریار اپریدي غلط کړی دی. . وه

فواد چوهدري زياته کړه کله چې په کابينه کې دا کيس مخې ته راغلى نو ما اړوندو خلکو ته ويلي وو چې د کومې مقدمې په اړه چې هغوي غونډه پريښوده هغه غلطه ده.

د اطلاعاتو پخواني وزير وويل چې کله مې د رانا ثناءالله د مقدمې په اړه د اړونده چارواکو نه پوښتنه وکړه نو سمدلاسه پوه شو چې دا کېس بې ګټې دی، داسې کېس بايد هېڅکله نه وي رامنځته شوی.