باغی ټي وي رپورټ
وزيراعظم شهباز شريف وئيلي دي چې په نړيواله کچه د تيلو نرخونه راټيټيږي او ډير زر به ملک کښې د ګرانۍ څخه دا اولس خلاص شي.
د ګرین او بلیو لاین میټرو بس سروس منصوبې پرانسته دستورې ته وینا کښې وزیراعظم اوویل چې د تیلو نرخونو زیاتیدو ټوله دنیا پریشانه کړې ده ولې د خدای شکر دی چې د تیلو نرخونه یو څه کم شوي دي.
وزیراعظم اوویل چې له تېرو څلورو کالو راهسې ګراني په زیاتیدو ده ، د تېر حکومت د غلطو پاليسيو له امله پرمختيايي پروژې ځنډول شوي دي ، ولس له مونږ څخه غوښتنه کوي چې د څلور کلن ځنډ په اړه ځواب ووايو.
د CDA مشر دې د پخوانۍ نیمګړتیاوې او ځنډونه اصلاح کړي.
شهبازشريف اوویل چې هيواد په قرضونو کې ډوب دى خو مونږ به په ګډه هيواد ته د راپیښو ننګونو سره مقابله کووو او زمونږ حکومت دمعيشت ښه والي لپاره کار کوي، وزیراعظم زیاته کړه چې دعوام فلاح پروژې دحکومت په لمړيتوبونو کې دي.
هغه وويل، چې دوى غواړي په هېواد کې د لمريزې انرژۍ(سولر انرژۍ) جال خپور شکړي ، هغه وويل، چې د نن ورځې په غونډه کې به د لمريزې انرژۍ په اړه پرېکړه وشي، هغه اوویل چې د سولر انرژۍ سره به عام اولس د ګرانۍ بریښنا څخه خلاص شي.
وزيراعظم ووئيل كه په راتلونكو اولسي پروژو كښې كومه غير معياري ټينڈرنګ وشي نو د هيچا به بیا خير نه وي۔ وزیراعظم اوویل چې د پروژو داسې څارنه وکړئ لکه څنګه چې ستاسو د خپلو ماشومان کوي او په پرمختیایي پروژو کې شفافیت ډاډمن کړئ. هغه زیاته کړه، د پرمختیايي پروژو په بشپړېدو کې د شفافیت د تامین ترڅنګ باید ټول بنسټونه د تېرو ځنډونو په لرې کولو کې خپل بشپړ رول ولوبوي.
Leave a Reply