ليکوال او شاعر عمادالدين دوران له بنده آزاد شو او له خپلې کورنۍ سره يوځای شو.
افغان ليکوال، شاعر او مدني فعال عمادالدين دوران دوه مياشتې وړاندې د ا.ا.ا ځواکونو له لوري په دې تور نيول شوی ؤ چې ګواکې د ا.ا.ا پر ضد ليکنې کوي.
که څه هم د نوموړي د نيول کېدو پرمهال د ا.ا.ا چارواکو رسماً څه نه ؤ ويلي، خو د ټولنيزو رسنيو فعالينو نيوکه لرله چې د نوموړي نيول کېدل د بشري قوانينو خلاف کار دی او پکار ده چې د هر شخص فردي آزادۍ ته درناوی وشي.
دا چې عمادالدين دوران په کوم ځای کې ساتل کېده او څه ډول وضعيت ورسره کېده، هغه څه دي چې په اړه يې لا تر دې دمه کره معلومات نشته.
د دوران د نیول کېدو د افغانستان دننه او بهر د ګڼو رسنيزو او بشري بنسټونو او فعالينو پراخ غبرګونونه راپارولي ؤ او د ا.ا.ا له چارواکو يې غوښتنه لرله چې نوموړی ژر تر ژره خوشې کړي.
د عمادالدين دوران د خوشې کېدو خبر نن خپور شو او د کورنيو غړو يې دا منلې ده چې نوموړی نن له خپلې کورنۍ سره يوځای شو.
Leave a Reply