باغی ټي وي رپورټ
په پنجاب کې د لوی اختر پر مهال د وسلو پر ښودلو بندیز ولګول شو.
د صوبې د کورنيو چارو وزارت لخوا جاري شوي نوټيفيکيشن له مخې به د جولائي د نهم نه تر دولسمې نيټې پورې په ټوله صوبه کښې د وسلو په ښودلو او وړلو باندې مکمل بنديز وي۔د اعلامیې له مخې یوازې د بانک امنیتي ساتونکو ته به اجازه ورکړل شي چې جواز لرونکي وسلې ولري.
بل پلو د دفعه 144 لاندې به د قانون او نظم او د ښاریانو خوندیتوب یقیني کولو په هدف د جولای له 5 څخه تر 4 اګست پورې په ټوله صوبه کې په هوایی ډزو بشپړ بندیز وي.
د یادونې ده چې د اختر په موقع د ملک په بیلا بیلو سیمو کښې عام اولس هوایی ډزې کوي چې له امله ی یو شمیر وګړي ټپي شوي او مړه شوي دي.
عام اولس د پولیس لوړ پوړو چارواکو څخه غوښتنه لري چې په هیواد کښې دې د غریب او شتمن توپیر پرته د سرغړونه کوونکي په ضد قانوني کاروایی وکړي چې عام اولس د هوایی ډزو د مرمیو څخه وژغورل شي.
Leave a Reply