سبا یو ملیون مسلمانان په مکه کښې د حج فرض ادا کوي
باغي ټي وي رپورټ
د حج مناسک به سبا پیل شي چې له کرونا وروسته به په لومړي ځل یو میلیون حاجیان د حج فریضه ادا کړي.
د نړۍ له ګوټ ګوټ څخه د ۸.۵ میلیونو بهرنیانو په ګډون د نړۍ له ګوټ ګوټ څخه حاجیان سعودي عربستان ته رسېدلي دي.
د چارواکو په وینا، د حج پر مهال به مسجد الحرام په ورځ کې لس ځله مینځل کیږي او هر ځل به ۱۳۰ زره لیټره ضد عفوني محلول کارول کیږي.
سعودي عربستان له ۴۵ کلونو کم عمره ښځو ته اجازه ورکړې چې له محرم پرته حج وکړي.
دا خبره مهمه ده چې د کعبې غلاف به سږ کال په سعودي عربستان کې د حج پر مهال نه بدلیږي.
د سعودي د خبري اژانس (SPA) د راپور له مخې، د دواړو سپېڅلو حرمونو د ادارې مشر شیخ ډاکټر عبدالرحمن السدیس ویلي، شاهي ماڼۍ حکم صادر کړی چې سږ کال د ذوالحجې د ۱۰مې نېټې د کعبې غلاف د کعبې کلیدبردارته وسپارل شي.
دا خبره مهمه ده چې تیر درې کاله په ټوله نړۍ کښې د کورونا ناروغۍ له امله هرکال د حج به ادا کولو هم ډیره بده اغیزه شوې وه او صرف هغه مسلمانانو به حج ادا کولو کوم چې په سعودی عرب کښې شتون لرلو، چې معنی ی داده چې د بهر مسلمان هیوادونو څخه د کورونا وایرس له امله حج ته په تللو بندیز لګیدلې وو.
Leave a reply
