وفاقي کابینې د اي سي ایل په اړه مهمه پریکړه کړې ده

باغی ټي وي رپورټ
وفاقي کابينې د داخله وزارت په سفارش په ايګزټ کنټرول لسټ (اي سي ايل) کې د څلورو نومونو د شاملولو منظوري ورکړې ده.

دسرچينو له مخې وفاقي کابينې په اي سي ايل کې دڅلورو نومونو دشاملولو منظوري ورکړې ده او دپينځوؤ کسانو نومونه اي سي ايل څخه ايستل شوي دي.

سرچينې زياته کړې چې کابينې د سندهـ هايي کورټ په حکم څلور کسانو ته په يو ځل د بهر تګ اجازه هم ورکړې ده.

د یادونې ده چې څه وخت وړاندې سپریم کورټ امر کړې وو چې
د ايګزټ کنټرول لسټ (اي سي ايل) نه د ايستلو کسانو نوملړ په شپږو اوونيو کښې سپریم کورټ کښې وړاندې شي.

په هغه ورځو کښې سپريم کورټ کښې د چيف جسټس عمر عطا بنديال په مشرۍ کښې پينځه کسيزه بنچ په تحقيقاتي ادارو کښې د حکومت د مداخلت په اړه د ازخود نوټس سماعت کړے وو او ددې لسټ غوښتنه ی هم کړې وه.
دا خبره هم ډیره مهمه ده چې د اپریل په میاشت کښې هم داسې خبر خپور شوې وو چې د وفاقي داخله وزير رانا ثناءالله نوم لا تر اوسه د ايګزټ کنټرول لسټ (اي سي ايل) نه نه دی ايستل شوی.

د سرکاري ذرائعو ترمخه د نوي حکومت پاليسئ لاندي د داخله وزير رانا ثناءالله نوم اوس هم په سي ايل کښي دی.

د نواز شريف، مريم، شهباز او حمزه په ګډون د څو کسانو نومونه له اي سي ايل څخه ايستل شوي دي

په هغه ورځو کښې د رسنیو د راپور مطابق د سرکاري ذرائعو ترمخه د نواز شريف د پخواني سيکرټري فواد حسن فواد او احد چيمه نومونه هم د اي سي ايل نه ايستل شوي دي۔
نور خبرونه