چين د ماکايو په ټاپو کې د کرونا د ټېسټ پروسه پيلوي

د چين حکومت اعلان وکړ چې د ماکايو په ټاپو کې د کوېډ ۱۹ ناروغۍ د مثبتو پېښو د ډېرېدو له امله د کرونا د ازمېښت بل پړاو پيلوي.

ماکايو د چين سويلي برخه کې پروت ټاپو دی چې تر ۱۹۹۹ زېږديز کاله پورې د پرتګال هېواد مستعمره ؤ، خو اوس د چين ځانګړي سيمه ده چې د ياد هېواد له لورې کنټرولېږي.

په تېرو درې اونيو کې په دې ښار کې نږدې ۸۰۰ مورده د کرونا مثبتې پېښې ثبت شوي، خو هېڅ ډول قرنطين هم نه دی عملي شوی. په ورته وخت کې د چين حکومت په دې ښار کې ټول غير ضروري خدمات، ښوونځي، پارکونه او نور تفريحي ځايونه تړلي دي.

قمارخونې هغه ځايونه دي چې لا هم په دې ښار کې نه دي تړل شوي او له ډېری کارکوونکو يې غوښتل شوي چې په کورونو کې پاتې شي.

تمه ده چې د دې ښار ۶۰۰ زره اوسېدونکو څخه د درې اونيو په ترڅ کې د کوېډ ۱۹ ناروغۍ ټېسټونه واخيستل شي.