جاپان افغانستان سره د لا ډیرو مرستو ژمنه کړې ده
د سرچینې په خبره، مولوي متقي په یاده لیدنه کې د جاپان له مرستې مننه کړې او زیاته کړې یې ده چې نه یوازې جاپان بلکې ټول هېوادونه باید د افغانستان زیربنایي برخه کې مرسته وکړي.
(2022 / 7 / 4 نېټه باغي ټلویزیون)
بشپړ راپور
د افغانستان لپاره د جاپان سفیر تاکاشي اوکادا ویلي چې هېواد به یې د کرنې او دغه راز پراختیایي پروژو برخه کې له افغانستان سره ۱۴ میلیونه ډالر مرسته وکړي.
د بهرنیو چارو وزارت د معلوماتو له مخې، اوکادا دا څرګندونې په قطر کې د بهرنیو چارو وزارت له سرپرست مولوي امیرخان متقي سره په لیدنه کې کړې دي.
بهرنیو چارو وزارت وایي چې په دې لیدنه کې افغانستان کې له زلزله ځپلو سره پر مرستو، زیربنايي پروژو او نورو مهمو موضوعاتو بحثونه شوي دي.
د سرچینې په خبره، مولوي متقي په یاده لیدنه کې د جاپان له مرستې مننه کړې او زیاته کړې یې ده چې نه یوازې جاپان بلکې ټول هېوادونه باید د افغانستان زیربنایي برخه کې مرسته وکړي.
Leave a Reply