د چیچنیا ولسمشر ویلي چې اوکرایني ځواکونه تر محاصرې لاندې دي او د تېښتې لار نلري

د چیچنیا ولسمشر ویلي چې اوکرایني ځواکونه تر محاصرې لاندې دي او د تېښتې لار نلري 

لیسیچانسک د لوهانسک مهم ښار دی. قدیروف د خپل تلګرام له لارې ویلي چې پر لیسیچانسک مو کړۍ تنګه کړې ده، دغې سیمې ته ورغلې ټولې لارې تړل شوې دي او په خبره یې دښمن هیڅ لوري ته د تېښتې لار نه لري.

(2022 / 7 / 4   نېټه باغي ټلویزیون)

بشپړ راپور 

د چیچنیا ولسمشر رمضان قدیروف ویلي چې د اوکراین مهم او روسیې ته مطلوب ښار لیسیچانسک په بشپړه توګه د مسکو تر امر لاندې ځواکونو په لاس کې دی.

لیسیچانسک د لوهانسک مهم ښار دی. قدیروف د خپل تلګرام له لارې ویلي چې پر لیسیچانسک مو کړۍ تنګه کړې ده، دغې سیمې ته ورغلې ټولې لارې تړل شوې دي او په خبره یې دښمن هیڅ لوري ته د تېښتې لار نه لري.

تر قدیروف وړاندې د روسیې د دفاع وزارت هم ویلي وو چې د اوکراین مهم ښار چې ډېرې مهمې کارخونې او معدنونه لري اوسمهال د روسي ځواکونو تر محاصره لاندې دی او  ژر به یې تر خپل کنټرول لاندې راولي.