د تیاتر برخې نوموتی برېتانیایي هنرمند پیتر بروک د ۹۷ کلونو په عمر ومړ

پیتر بروک د یوویشتمې پېړۍ د تیاتر برخې یو له نوموتو څېرو څخه ؤ چې د آوانګارډ تیاتر په وده کې یې غوښنه برخه لرله.

بروک په ۱۹۲۵ کې د لندن په لویدیځه څنډه کې په یوې کډوالې کورنۍ کې دې نړۍ ته سترګې پرانیستلې.

بروک د تیاتر مخینه نلرله، خو په اکسفورډ پوهنتون کې له زده کړو وروسته یې وړتیا راڅرګنده شوه او په چټکۍ سره یې پرمختګ وکړ. هغه په ۲۰ کلنۍ کې په بیرمنګم ښار کې د تیاتر د مدیر په توګه وګومارل شو.

پیتر بروک په ۱۹۶۵ کال کې د برېتانیا سلطنتي جایزې او په ۲۰۱۳ کال کې د فرانسې لژیون دونور نښان په ورکړې سره ستایل شوی ؤ.

د نوموړي لومړنی سينمايي اثر د احساسي سفر په نامه يو لنډ فلم ؤ چې په اکسفورډ پوهنتون کې يې د محصلۍ پرمهال وړاندې کړ. هغه د شکسپير له آثارو څخه ډېر اغېزمن ؤ.

د نړۍ نوموتو سينمايي ستورو او د تياتر برخې فعالينو د نوموړي په مړينه خواشيني ښودلې دی او هغه يې يوه نه تکرارېدونکې څېره ګڼلې ده.