چین یو ځل بیا لۀ امریکا غوښتي چې پر افغانستان اقتصادي بندیزونه ختم کړي   

چین یو ځل بیا لۀ امریکا غوښتي چې پر افغانستان اقتصادي بندیزونه ختم کړي 

په ملګرو ملتونو کې د چین دایمي استازي ویلي چې د امریکا یو اړخیز بندیزونه به د افغانستان راتلونکې ته خطرونه جوړ کړي. هغه یو ځل بیا پر امریکا غږ کړی چې د افغانستان کنګل شوې شتمني ازاده کړي او ددغه هېواد اقتصادي فعالیتونه دې نه ځنډوي.

(2022 / 7 / 3   نېټه باغي ټلویزیون)

بشپړ راپور 

چین یو ځل بیا له امریکا غوښتي چې د افغانستان پر وړاندې خپل فشارونه ختم کړي.

په ملګرو ملتونو کې د چین دایمي استازي ویلي چې د امریکا یو اړخیز بندیزونه به د افغانستان راتلونکې ته خطرونه جوړ کړي. هغه یو ځل بیا پر امریکا غږ کړی چې د افغانستان کنګل شوې شتمني ازاده کړي او ددغه هېواد اقتصادي فعالیتونه دې نه ځنډوي.

چین تر دې وړاندې هم د امریکا اقدام ظالمانه بللی دی او په خبره یې امریکا په دې توګه غواړي د افغانستان اقتصاد فلج کړي.

چین پر امریکا نیوکه کوي چې په افغانستان کې یې شل کلن ماموریت ناسم و او تر څنګ یې اوسنی اقدام چې د افغانانو شتمني یې کنګل کړې له نړیوالو قوانینو سرغړونه بلل کېږي.