د وزیراعظم شهباز شریف او د حمزه شهباز مقدمې بل احتساب عدالت ته استول شوي
باغی ټي وي رپورټ
د وزیراعظم شهباز شریف او د پنجاب اعلی وزیر حمزه شهباز او نورو مهمو شخصیتونو مقدمې بل احتساب عدالت ته سپارلې شوې دي.
دسرچينو ترمخه جج نسيم احمد ورک د مني لانډرنگ او خواجه وروڼو د کيسونو اورېدنه کوله خو اوس به د احتساب عدالت جج قمر زمان د شهباز شريف د کورنۍ د کيسونو اورېدنه کوي.
دا مقدمې احتساب عدالت کښې د دوه نورو ججانو د تقررۍ له وجې منتقل کړې شوې۔
بلخوا د وزيراعظم شهباز شريف او وزيراعلي حمزه شهباز په ضد د مني لانډرنګ ريفرنس اورېدنه پرون د لاهور احتساب عدالت کښې وشوه۔
خو د وزيراعظم او وزيراعلي د وکيلانو لخوا د يوې ورځې معافي وغوښتل شوه، چې عدالت منظوره کړه او د مقدمې اورېدنه يې تر 26م جولائي پورې وځنډوله او د راتلونکې اورېدنې لپاره يې د نېب شاهدان هم راغوښتي دي.
Leave a reply
