لۀ افغانستان څخه درېیم هېواد ته ایستل شوي افغانان لۀ سخت حالت سره مخ دي 

لۀ افغانستان څخه درېیم هېواد ته ایستل شوي افغانان لۀ سخت حالت سره مخ دي 

امریکا که څه هم تر اوسه پورې د افغان پناه غوښتونکو ورته شکایتونو ته غبرګون نه دی ښودلی خو څه موده وړاندې د امریکا سنا له امریکایي چارواکو وغوښتل چې د افغان پناه غوښتونکو په اړه د معلوماتو راغونډولو پروسه چټکه کړي.

(2022 / 6 / 29   نېټه باغي ټلویزیون)

بشپړ راپور 

د امریکا سي‌بي‌اس شبکې راپور ورکړی دی چې پر افغانستان د ا.ا تر واکمنېدو وروسته د امریکا له لوري درېیم هېواد ته ایستل شوي افغانان له ډېر سخت وضعیت سره مخ دي.

راپور کې د محمد عارف سروري له قوله راغلي، د ده په ګډون شاوخوا ۴۵ افغان پناه غوښتونکي چې د امریکا له لوري کوزوو ته ایستل شوي دي د بندیانو په څېر ژوند کوي او هیڅ ډول ازادي نه لري.

نوموړي ویلي چې دوی تېر کال دوبي کې امریکا ته د تګ په موخه د امریکایي ځواکونو له لوري کوزوو ته راوستل شوي دي خو تر اوسه پورې د امریکایانو په یوه پوځي اډه کې د بندیانو په څېر ژوند کوي.

امریکا که څه هم تر اوسه پورې د افغان پناه غوښتونکو ورته شکایتونو ته غبرګون نه دی ښودلی خو څه موده وړاندې د امریکا سنا له امریکایي چارواکو وغوښتل چې د افغان پناه غوښتونکو په اړه د معلوماتو راغونډولو پروسه چټکه کړي.