د بښنې نړۍوال سازمان ویلي چې د افغان کډوالو پر وړاندې دې غیر انساني چلند ختم شي
ياد سازمان د ترکيې، ايران، پاکستان، ازبيکستان، تاجيکستان او ماليزيا نومونه په ځانګړي ډول ياد کړي او ويلي يې دي چې په دغو هېوادونو کې د افغان کډوالو وضعيت ښه نه دی.
(2022 / 6 / 21 نېټه باغي ټلویزیون)
بشپړ راپور
د بښنې نړیوال سازمان نن د کډوالو د نړیوالې ورځې په مناسبت خپره کړې اعلاميه کې ويلي چې افغان کډوال په يو شمېر هېوادونو کې له انساني حقونو بې برخې دي.
ياد سازمان د ترکيې، ايران، پاکستان، ازبيکستان، تاجيکستان او ماليزيا نومونه په ځانګړي ډول ياد کړي او ويلي يې دي چې په دغو هېوادونو کې د افغان کډوالو وضعيت ښه نه دی.
د بښنې د نړيوالې ادارې په اعلاميه کې ويل شوي چې افغان کډوال د کار او زده کړو حقونه نه لري او دغه راز د قانوني اسنادو د نه لرلو له کبله هم له جدي ستونزو سره مخ دي.
ياد سازمان پر نړيوالو غږ کړی چې له افغان کډوالو سره غير انساني چلند پای ته ورسوي او په زوره دې افغانستان ته د هغوی ستنول ودروي.
Leave a Reply