سیګار افغانستان کې د بېکارۍ ډېروالی اندېښمنوونکی بللی دی
په ورته وخت کې افغان حکومت بیا وایي چې دوی ډېری پخواني کارکوونکي په اداراتو کې ساتلي دي او خپلو دندو ته ورځي او هڅه کوي چې د بېکاري د ختمولو لپاره نړیوالې پانګې جذب کړي او نور اړین اقدامات ترسره کړي.
(2022 / 6 / 16 نېټه باغي ټلویزیون)
بشپړ راپور
افغانستان کې بېکاري ډېره شوې ده. سیګار په یوه راپور کې ویلي چې شاوخوا نهه سووه زره کسان په افغانستان کې بېکاره شوي دي.
ددغه ادارې د راپور پر بنسټ د تحولاتو له امله په افغانستان کې بېکاري ډېره شوې ده او زیاتوي چې لوړه سلنه بېکاره شوې برخه مېرمنې تشکیلوي.
د سیګار د راپور پر بنسټ په ۲۰۲۰ کال کې د افغانستان د ملکي مامورینو ۱۷ سلنه برخه یې ښځینه وو تشکیلوله چې دمګړی ډېری دغه ښځینه کارکوونکې بېکاره شوې دي.
سیګار دغه راز وایي چې د بېکارۍ ډېرېدل به ډېری کورنۍ سختې متاثرې کړي.
په ورته وخت کې افغان حکومت بیا وایي چې دوی ډېری پخواني کارکوونکي په اداراتو کې ساتلي دي او خپلو دندو ته ورځي او هڅه کوي چې د بېکاري د ختمولو لپاره نړیوالې پانګې جذب کړي او نور اړین اقدامات ترسره کړي.
Leave a Reply