ملګرو ملتونو ایران کې دلاریون کوونکو پر ځپلو اندېښنه ښودلې ده

ملګرو ملتونو ایران کې دلاریون کوونکو پر ځپلو اندېښنه ښودلې ده 

د ملګرو ملتونو ځانګړو راپور ورکوونکو ویلي چې په ایران کې په وروستیو کې د مدني ټولنو فعالین، لاریون کوونکي او هغه ښوونکي چې د حقوقو د لوړېدو لپاره یې اعتراضونه کړي دي د ایراني حکومت له لوري ځپل شوي او شکنجه شوي دي.

(2022 / 6 / 16  نېټه باغي ټلویزیون)

بشپړ راپور 

ملګرو ملتونو په ایران کې د لاریون کوونکو د ځپلو پېښې غندلې دي.

د ملګرو ملتونو ځانګړو راپور ورکوونکو ویلي چې په ایران کې په وروستیو کې د مدني ټولنو فعالین، لاریون کوونکي او هغه ښوونکي چې د حقوقو د لوړېدو لپاره یې اعتراضونه کړي دي د ایراني حکومت له لوري ځپل شوي او شکنجه شوي دي.

دوی وایي په ایران کې وضعیت د اندېښنې وړ دی او ددغه هېواد حکومت نه یوازې دا چې د خپلو خلکو ستونزې نه حل کوي بلکې د دوی د چوپ کولو هڅه کوي.

په وروستیو کې په ایران کې د ګرانیو او ناسم اقتصادي وضعیت په تړاو پراخ لاریونونه پیل شوي دي چې ایرانی حکومت یې د ځپلو هڅه کوي.