ا.ا د درې میلیونه پاسپورټونو د چاپ وړاندیز تائید کړ 

ا.ا د درې میلیونه پاسپورټونو د چاپ وړاندیز تائید کړ 

ويل کيږي چې د تېر حکومت له لوري چاپ شوي نږدې يو ميليون جلده پاسپورټونه لا هم له قراردادي کمپنۍ سره پراته دي چې څه موده مخکې يې د اروپايي اتحاديې ځانګړي استازي افغانستان ته په راوړو کې د ا.ا له چارواکو سره د مرستې ژمنه کړې وه.

(2022 / 6 / 15   نېټه باغي ټلویزیون)

بشپړ راپور 

د افغانستان د ا.ا کابينې د درې ميليونو جلدو پاسپورټونو د چاپ او کوچيانو ته د پېژندپاڼو د ويش وړانديزونه تاييد کړي دي.

باختر اژانس ويلي چې دا پرېکړې پرون د کابينې په غونډه کې شوې دي. سرچينه وايي چې د کابينې غونډه پرون د رييس الوزرا ملا محمد حسن اخوند په مشرۍ جوړه شوې وه او پرېکړه يې کړې چې د احصائيې اداره دې ژر تر ژره د ځانګړي طرز العمل پر بنسټ کوچيانو ته د برېښنايي پېژندپاڼو د ويش لړۍ پيل کړي.

تر دې وړاندې د ځينو ستونزو له کبله کوچيانو ته د برېښنايي پېژندپاڼو ويش ځنډيدلی و. کابينې دغه راز د درې ميليونه جلدو پاسپورټونو او لمنيشن د چاپ په اړه د ماليې وزارت وړانديز هم منلی دی.

په دې اړه ډير جزيات نه دي خپاره شوي چې ياد درې ميليونه جلده پاسپورټونه به چيرته او په کومو شرایطو چاپيږي.

ويل کيږي چې د تېر حکومت له لوري چاپ شوي نږدې يو ميليون جلده پاسپورټونه لا هم له قراردادي کمپنۍ سره پراته دي چې څه موده مخکې يې د اروپايي اتحاديې ځانګړي استازي افغانستان ته په راوړو کې د ا.ا له چارواکو سره د مرستې ژمنه کړې وه.