روسیه پر فنلنډ او سویډن د برید وړتیا نلري؛ (ناټو )
ترکيه په ناټو کې د يادو هيوادونو د غړيتوب مخالفت کوي. د دې کشمکشونو په لړ کې داسې اندېښنه هم شته چې ښايي روسيه مخکې تر دې چې فنلنډ او سويډن د ناټو غړي شي پر دغو هيوادونو بريد وکړي.
(2022 / 6 / 12 نېټه باغي ټلویزیون)
بشپړ راپور
ناټو د عمومي منشي مرستيال ميرشيا جيووانا وايي، داسې نښې نه ویني چې روسیه به پر فنلنډ او سویډن د برید وړتيا ولري.
جيووانا په کوپنهاګن کې يوې غونډې ته ويلي چې ناټو کې به د فنلنډ او سويډن د غړيتوب بهير ډير وخت ونه نيسي او د ترکيې تر هوکړې وروسته به ډير ژر يادو هيوادونو ته غړيتوب ورکړي.
سويډن او فنلنډ له کلونو راهيسې د روسيې او ناټو تر منځ په داسې وضعيت کې پراته وو چې د هيڅ لوري پره يې نه کوله؛ خو پر اوکراين د روسيې تر بريد وروسته يې په ناټو کې د غړيتوب پرېکړه وکړه.
ترکيه په ناټو کې د يادو هيوادونو د غړيتوب مخالفت کوي. د دې کشمکشونو په لړ کې داسې اندېښنه هم شته چې ښايي روسيه مخکې تر دې چې فنلنډ او سويډن د ناټو غړي شي پر دغو هيوادونو بريد وکړي.
ناټو د دې اندېښنو په ځواب کې ډاډ ورکړی چې مسکو پر فنلنډ او سويډن د بريد وړتيا نه لري.
Leave a Reply