ناټو د فنلنډ او سویډن د پياوړتیا لپاره له دوی سره ګډ نظامي تمرینات پيل کړي دي
سویډن او فنلنډ تازه له ناټو سره د یو ځای کېدو لپاره خپل غوښتنلیکونه سپارلي دي خو ترکیه یې مخالفه ده او د ناټو د غړي په توګه د یادو دوو هېوادونو له یو ځای کېدو سره مخالفت کوي.
(2022 / 6 / 6 نېټه باغي ټلویزیون)
بشپړ راپور
ناټو د فنلنډ او سویډن د پياوړتیا لپاره له دوی سره ګډ نظامي تمرینات پيل کړي دي.
د ناټو د لوی درستیزانو په غونډه کې د امریکايي پوځ لوی درستیز ویلي چې دوی د فنلنډ د پياوړتیا او ملاتړ لپاره دغه ګډ نظامي تمرینات په بالتیک سمندر کې پيل کړي دي.
دوی د فنلنډ او سویډن د پوځي پیاوړتیا او دغه راز له دغه هېواد سره د خپلې همغږۍ د ښوودلو په موخه ددغه عملیاتو تکل کړی دی.
سویډن او فنلنډ تازه له ناټو سره د یو ځای کېدو لپاره خپل غوښتنلیکونه سپارلي دي خو ترکیه یې مخالفه ده او د ناټو د غړي په توګه د یادو دوو هېوادونو له یو ځای کېدو سره مخالفت کوي.
بلخوا ویل کېږي چې تازه نظامي تمرینات به د روسیې غوسه هم وپاروي.
Leave a Reply