ترکیې ویلي چې لۀ کابل سره یې اړیکې ښۀ لوري ته روانې دي
په ورته وخت کې ارګین ای ویلي، د دواړو هېوادونو اړیکې مثبت لور ته روانې دي او افغانستان سره به نه یوازې خپلو بشري مرستو ته دوام ورکړي، بلکې سوداګر به وهڅوي، چې په افغانستان کې پانګونه وکړي.
(2022 / 6 / 1 نېټه باغي ټلویزیون)
بشپړ راپور
د افغانستان ا.ا د بهرنیو چارو وزارت سرپرست مولوي امیرخان متقي په کابل کې د ترکیې له سفیر جیهاد ارګین ای سره کتلي دي.
د بهرنیو چارو وزارت د معلوماتو له مخې، په دې لیدنه کې متقي ویلي چې افغانستان له ټولې نړۍ سره د دوه اړخیز درناوي پر بنسټ سالمې اړیکې غواړي او یو ځل بیا یې ټینګار کړی دی چې له افغان خاورې څخه به بهرنیو هېوادونو ته هیڅ ډول ګواښ پېښ نه شي.
په ورته وخت کې ارګین ای ویلي، د دواړو هېوادونو اړیکې مثبت لور ته روانې دي او افغانستان سره به نه یوازې خپلو بشري مرستو ته دوام ورکړي، بلکې سوداګر به وهڅوي، چې په افغانستان کې پانګونه وکړي.
د سرچینې په خبره په دې لیدنه کې دغه راز دواړو لوریو د اړیکو پر پیاوړتیا، سیاسي موضوعاتو او د دوه اړخیزو همکاریو پر دوام ټینګار کړی دی.
Leave a Reply