نورستان کې اورلګېدنه؛ خلکو لۀ حکومت نه د مرستې غوښتنه کړې
د اور د بلېدو د لامل په اړه رسمي څه نه دي ويل شوي خو د نورستان اوسيدونکو له رسنيو سره خبرو کې ادعا کړې چې اور د ځنغوزيو د حاصلاتو په سر د سيمه ييزو وسله والو د اختلاف له کبله بل شوی دی.
(2022 / 6 / 1 نېټه باغي ټلویزیون)
بشپړ راپور
د نورستان یو شمېر اوسېدونکي وايي، که د دغه ولایت د ځنغوزیو او نښترو په ځنګلونو کې لګيدلی اور مهار نه شي، ښايي د کونړ او لغمان ځنګلونو ته هم ورسیږي.
ويل کيږي چې اونۍ وړاندې د نورستان د واما او نوګرام ولسواليو په ځنګلونو کې اور بل شوی چې لا يې د وژنې هڅې نه دي بريالۍ شوې.
که څه هم څو ورځې مخکې ادعا شوې وه چې اور وژل شوی خو د نورستان د اطلاعاتو او کلتور رياست ويلي چې ياد اور د تېزو بادونو له کبله بيا بل شوی دی. سرچينه زياتوي چې د اور د مهارولو لپاره د ننګرهار د اطفائيې پرسونل او تجهيزات هم سيمې ته رسيدلې دي.
د اور د بلېدو د لامل په اړه رسمي څه نه دي ويل شوي خو د نورستان اوسيدونکو له رسنيو سره خبرو کې ادعا کړې چې اور د ځنغوزيو د حاصلاتو په سر د سيمه ييزو وسله والو د اختلاف له کبله بل شوی دی.
Leave a Reply