فرانسې او المان پۀ پوتین غږ کړی چې اوکراین سره مخامخ خبرو ته کښېني

فرانسې او المان پۀ پوتین غږ کړی چې اوکراین سره مخامخ خبرو ته کښېني

په ورته وخت کې د المان ولسمشر اولاف شولتس هم له پوتین څخه ورته غوښتنه کړې ده او ټینګار یې کړی دی چې جګړه نه یوازې د دواړو هېوادونو بلکې د ټولو پر زیان ده او هر څومره ژر چې کېدای شي دغه جګړه باید پای ته ورسول شي.

(2022 / 5 / 30   نېټه باغي ټلویزیون)

بشپړ راپور 

د فرانسې او المان ولسمشرانو له روسیې څخه غوښتي چې له اوکراین سره مخامخ مذاکراتو ته کېني.

فرانسوي رسنیو د الیزه ماڼۍ له قوله ویلي چې ولسمشر امانویل مکرون پرون د روسیې له ولسمشر ولادیمیر پوتین سره په ټلفوني مکالمه کې له هغه څخه غوښتي چې په ماریوپول کې تسلیم شوي دوه زره او پنځه سوه اوکرایني پوځیان هم خوشې کړي او دغه راز ښه به وي چې دواړه لوري مخامخ خبرو ته سره کېني.

په ورته وخت کې د المان ولسمشر اولاف شولتس هم له پوتین څخه ورته غوښتنه کړې ده او ټینګار یې کړی دی چې جګړه نه یوازې د دواړو هېوادونو بلکې د ټولو پر زیان ده او هر څومره ژر چې کېدای شي دغه جګړه باید پای ته ورسول شي.

د اوکراین ولسمشر ولادیمیر زلینسکي هم پرون ویلي وو چې دی سره له دې چې له پوتین سره مذاکراتو ته لېوالتیا نه لري خو د جګړې د پای ته رسولو لپاره ورسره خبرو ته چمتو دی.

بلخوا کرملین ډاډ ورکړی دی چې پوتین به له اوکراین سره د سولې مذاکرات بېرته له سره پیل کړي.