ټرمپ یو ځل بیا په افغانستان کې د امریکا پر نظامي ماموریت نیوکه کړې ده

ټرمپ یو ځل بیا په افغانستان کې د امریکا پر نظامي ماموریت نیوکه کړې ده

نوموړي د وسلو د لېږد د ممنوعیت پر مسئله د خبرو پر مهال وویل ددې پر ځای چې امریکا په افغانستان کې ملت جوړونه کوله، ښه به وه چې په امریکا کې یې د خپلو بچو امنیت تامین کړی وای.

(2022 / 5 / 29  نېټه باغي ټلویزیون)

بشپړ راپور 

ټرمپ یو ځل بیا په افغانستان کې د امریکا پر نظامي ماموریت نیوکه کړې ده. د امریکا پخواني ولسمشر ډونالډ ټرمپ وایي امریکا په افغانستان کې په بې مانا او بې لاس ته راوړنې جګړه تریلیون ډالر ولګول خو د خپل هېواد امنیت یې تامین نه شوی کړی.

نوموړي د وسلو د لېږد د ممنوعیت پر مسئله د خبرو پر مهال وویل ددې پر ځای چې امریکا په افغانستان کې ملت جوړونه کوله، ښه به وه چې په امریکا کې یې د خپلو بچو امنیت تامین کړی وای.

هغه وایي د افغانستان او عراق جګړه بې مانا او بې ګټې وه، خو امریکايي حکومت باید خپل هېواد امن کړی وای.

هغه په امریکا کې وروستیو وسله والو بریدونو ته په اشاره ویلي، امریکايي حکومت باید د خلکو پر امنیت لا ډېره پانګونه وکړي.