امریکايي سناتورانو لۀ اف بي اي څخه غوښتي چې د افغان کډوالو پۀ اړه څېړنې چټکې کړي

 امریکايي سناتورانو لۀ اف بي اي څخه غوښتي چې د افغان کډوالو پۀ اړه څېړنې چټکې کړي 

(2022 / 5 / 29   نېټه باغي ټلویزیون)

بشپړ راپور

یو شمېر امریکایي سناتورانو د یو لیک په ترڅ کې د امریکا له اف‌بي‌ای یا د فدرال څېړنیزې ادارې څخه غوښتي چې د افغان کډوالو په اړه د څېړنې پروسه چټکه کړي.

په لیک کې راغلي چې امریکا ته ورغلي او دغه راز په یو شمېر نورو هېوادونو کې بند پاتې افغانان که چېرته په امریکا کې د ژوند کولو پر شرایطو برابر وي نو نباید ډېر منتظر پاتې شي.

دوی زیاته کړې ده چې اف‌بي‌ای دې د یادو کسانو د معلوماتو او د هغوی په اړه د معلوماتو راټولولو پروسه چټکه کړي.

دا خبر وروسته تر هغه ورکول کېږي چې په یو شمېر هېوادونو ځانګړې توګه پاکستان کې د امریکا ویزو ته په تمه افغانانو د یو لاریون په ترڅ کې شکایت کړی و چې امریکا یې په اړه جدي نه ده.