بې پولې خبریالانو د “صبح کابل” د خبریال د برخلیک روښانه کېدو غوښتنه کړې 

بې پولې خبریالانو د “صبح کابل” د خبریال د برخلیک روښانه کېدو غوښتنه کړې 

دې نړیوال غیر انتفاعي سازمان ویلي چې دوی د «علي اکبر خیرخواه» د لادرکه‌کېدو په اړه جدي اندېښنه لري او په وینا یې چې د طالبانو حکومت باید د دغه خبریال د موندلو لپاره هڅې وکړي.

(2022 / 5 / 28  نېټه باغي ټلویزیون)

بشپړ راپور 

بې‌پولې خبریالانو له سرپرست حکومته غوښتي چې د «صبح کابل» ورځپاڼې د خبریال او عکاس «علي اکبر خیرخواه» برخلیک معلوم  کړي.

دې نړیوال غیر انتفاعي سازمان ویلي چې دوی د «علي اکبر خیرخواه» د لادرکه‌کېدو په اړه جدي اندېښنه لري او په وینا یې چې د ا.ا حکومت باید د دغه خبریال د موندلو لپاره هڅې وکړي.

د بې‌پولې خبریالانو ټولنه زیاتوي، چې دوی او د دغه خبریال کورنۍ له حکومتي چارواکو پرله‌پسې پوښتنې کړې، خو په وینا یې چې لا یې هم هېڅ درک نه دی لګېدلی.

همداراز افغانستان  کې د آزادو رسنیو د ملاتړ ادارې (نی) هم د «علي اکبر خیرخواه» پر لا درکه‌کېدو اندېښنه ښوولې او له طالب چارواکو یې غوښتي چې په دې اړه جدي پلټنې وکړي.

د «صبح کابل» ورځپانې خبریال د تېرې سه‌شنبې پر ورځ د رپوټ چمتو کولو پر مهال لا درکه شوی دی.