یو لیتوانیايي شرکت افغانستان ته درې میلیونه پاسپورټونه چاپوي

یو لیتوانیايي شرکت افغانستان ته درې میلیونه پاسپورټونه چاپوي

د پاسپورت لوی ریاست ویاند شفیع الله تسل ویلي، له دې شاوخوا نیمايي پاسپورټونه وار له مخه چاپ شوي، خو د نورو چاپ دمګړۍ د ځینو ستونزو له کبله درېدلی دی.

(2022 / 5 / 27  نېټه باغي ټلویزیون)

بشپړ راپور 

د ا.ا سرپرست حکومت وايي له یوه لیتوانیايي شرکت سره د افغانستان لپاره د درې میلیونه ټوکه پاسپورټونو د چاپولو پر خبرو بوخت دي.

د پاسپورت لوی ریاست ویاند شفیع الله تسل ویلي، له دې شاوخوا نیمايي پاسپورټونه وار له مخه چاپ شوي، خو د نورو چاپ دمګړۍ د ځینو ستونزو له کبله درېدلی دی.

هغه د دغو ستونزو د جزیاتو له ورکولو ډډه کړې. ا.ا وايي، د افغانستان مخکېني حکومت هم د لیتوانیا له یاد شرکت د پاسپورټونو د چاپ یو قرارداد درلود.

د تسل په وینا تر اوسه افغانستان ته د دغو پاسپورتونو د لېږدېدو وخت او څرنګوالی هم مالوم نه دی او هڅې روانې دي چې دا ټولې ستونزې ژر حل شي.

نوموړی وايي دا پاسپورټونه به په پخوانۍ بڼه او د افغانستان اسلامي جمهوریت له نښان سره چاپېږي.