نصیب شاه شینواري
د ضلع خیبر په جمرود کښي د کالعدم تحريک طالبان پاکستان او پاک فوځ ترمينځه د امن مذاکراتو لپاره د ځایی مشرانو قبائلي جرګه رابللي ده او دوی د امن لپاره خپلو هڅو ته دوام ورکړې دې.
قبایلي مشرانو د پخوانۍ فاټاپه صوبه کښې شاملیدل رد کړل او د مې ۳۱مه یې د تورې ورځې په توګه اعلان کړه، مشران وایی چې د ټي ټي پي نه علاوه نورې ډلې دې هم مونږ سره د امن راوستلو لپاره تیارې شي، د مشرانو جرګې غړو مطبوعاتي غونډې ته ویناګانې.
د فاټا قامي جرګې چيئرمېن ملک بسم الله خان آفريدي، خان محمد آفريدي، ملک ظاهر شاه آفريدي، ملک طماش شلماني، ملک ضراب، ملک نجيب طور خيل، ولايت شاه منیا خيل او ملک فضل الرحمان شيرخان خیل جمرود پريس کلب کښې يو خبري غونډې ته وینا ګانې وکړې.
د نورو مشرانو سره په ګډه خبري غونډه کښې مشرانو اوویل چې د پخوانۍ فاټا انضمام په ضد به د مې ۳۱مه د تورې ورځې په توګه لمانځو او د تاریخي باب خیبر په سیمه کې به احتجاجي جلسه کوو ځکه چې د فاټا انضمام په زوره شوی دی.
مشرانو اوویل چې په قبایلي سیمو کې د سولې راوستل زمونږ ګډ مسوولیت دی، نو مونږ د عسکریت خوښو، پوځي چارواکو او حکومت ترمنځ اوربند ته د یو ښه پرمختګ په نظر ګورو، مشرانو اوویل چې د دې اوربند نېټه باید وغځول شي، څو په سیمه کې سوله راشي او خبرې اترې بریالۍ شي چې په دې سیمو کښې پوخ امن او خوشحالي راشي.
حاجي بسم الله آفریدي په ټولو وسله والو ډلو غږ وکړو چې د سولې په خبرو کې ګډون وکړي.
ده وويل چې د سولې د جرګې د خبرو لپاره د پاکستان د پوځ له جګپوړو چارواکو سره خبرې روانې دي او ډېرزر به له وسله والو سره هم خبرې وکړي، مشرانو اوویل او زیاته ی کړه چې دوی به ز د عسکریت خوښو سره د امن یوه جرګه کولو لپاره افغانستان ته سفر وکړي.
هغه وويل چې خبرې اترې د کاميابۍ په لور روانې دي، هغه د حکومت څخه غوښتنه وکړه چې د انضمام ختمولو او د قبائيلي رواجونو او جرګو د رامنځته کولو او د خيبر ضلعې په شمول په ټولو قبائيلي ضلعو کښې دې د پخواني خاصه دار ځواک او لیویز ځواک سره ظلم بند کړې شي.
Leave a Reply