دفاع وزارت وایي؛ تر اوسه ۱۳۰ زره کسانو نوې اوردو ته ثبت نام کړی
هغه ټینګار کړی دی چې د نوملیکنې بهیر په بشپړېدو سره به افغانان د یوې مجهزې، خپلواکې او ژمنې اردو شاهد وي. دفاع وزارت ویلي چې د نوې اردو د یونیفورم په اړه تر اوسه وروستۍ پرېکړه نه ده شوې او زیاتوي چې دا چاره به وخت ونیسي.
(2022 / 5 / 16 نېټه باغي ټلویزیون)
بشپړ راپور
د افغانستان ا.ا دفاع وزارت وایي چې په نوې اردو کې د غړیتوب لپاره تر اوسه پورې څه باندې ۱۳۰ زره کسانو نوملیکنه کړې ده.
د یاد وزارت ویاند عنایت الله خوارزمي ویلي چې دفاع وزارت پلان لري څو په هېواد کې یوه ۱۵۰ زره کسیزه اردو جوړه کړي او په خبره یې؛ په دې برخه کې جدي کار روان دی. خوارزمي زیاته کړې ده چې تر اوسه پورې ۱۳۰ زره کسانو نوملیکنه کړې ده او دا بهیر دوام لري.
هغه ټینګار کړی دی چې د نوملیکنې بهیر په بشپړېدو سره به افغانان د یوې مجهزې، خپلواکې او ژمنې اردو شاهد وي. دفاع وزارت ویلي چې د نوې اردو د یونیفورم په اړه تر اوسه وروستۍ پرېکړه نه ده شوې او زیاتوي چې دا چاره به وخت ونیسي.
Leave a Reply