راتلونکې میاشت ازبکستان کې دافغانستان پۀ اړه غونډه جوړېږي 

راتلونکې میاشت ازبکستان کې دافغانستان پۀ اړه غونډه جوړېږي 

نوموړي ویلي چې په افغانستان کې اقتصادي وضعیت پېچلی دی او په خبره یې که چېرته نړیواله ټولنه ورته پام ونه کړي نو ممکن دغه هېواد له نه جبرانیدونکي اقتصادي او انساني ناورین سره مخ شي.

(2022 / 5 / 16  نېټه باغي ټلویزیون)

بشپړ راپور 

د ازبکستان د بهرنیو چارو وزارت ویلي، په پام کې لري چې د روان میلادي کال په راتلونکې جون میاشت کې د افغانستان په محوریت په تاشکند کې یوه لویه غونډه جوړه کړي.

یاد وزارت د ازبکستان د بهرنیو چارو وزارت د سرپرست ولادیمیر ناراف له قوله ویلي چې په یاده ناسته کې به د یو شمېر ګاونډیو او هغو هېوادونو استازي ګډون وکړي چې په یو ډول نه یو ډول افغانستان کې ښکېل دي.

نوموړي ویلي چې په افغانستان کې اقتصادي وضعیت پېچلی دی او په خبره یې که چېرته نړیواله ټولنه ورته پام ونه کړي نو ممکن دغه هېواد له نه جبرانیدونکي اقتصادي او انساني ناورین سره مخ شي.

ناراف ټینګار کړی دی چې ټوله نړۍ د افغانستان پر وړاندې مسووله ده او باید د دغه هېواد د وضعیت په بیا رغونه کې خپل ورترغاړې مسوولیت په سمه توګه ادا کړي.