حکومت د تیلو قیمت زیاتولو د اوګرا سمري رد کړې ده

باغی ټي وي رپورټ
پاکستان کښې د اتحادي حکومت وزیراعظم شهباز شریف د پټروليم مصنوعاتو بيعې د پخوا په شان ساتلو او دا بیعې نه زیاتولو اعلان کړے دے۔

د خزانې وفاقي وزارت د پټروليم مصنوعاتو نرخونو برقرار ساتلو نوټيفيکيشن جاري کړے دے۔

د خزانې وزارت لخوا جاري شوي نوټيفيکيشن له مخې د پټرولو قيمت 149.86 روپۍ في ليټر او د هائي سپيډ ډيزلو قيمت 144.15 روپۍ في ليټر ټاکل شوې۔

د مالیې وزارت له مخې د خاورو د تیلو بیعه ۱۲۵.۵۶ روپۍ فی لیټر او د لائټ ډیزل بیه ۱۱۸.۳۱ روپۍ فی لیټر ټاکل شوې ده.
د خزانې وزارت ويلي چې وزيراعظم د پټروليم مصنوعاتو په نرخونو کښې د اوګرا سمري رد کړې ده۔

له دې وړاندې په اسلام اباد کې يو مطبوعاتي کانفرنس ته دوينا په مهال دخزانې وزير مفتاح اسماعيل وئيلي وؤ چې حکومت دا مهال دپيټروليم مصنوعاتو په نرخونو کې دزياتوالي هيڅ اراده نۀ لري خو وزيراعظم شهباز شريف په اولس دبوج اچولو څخه انکار کړى دى.