افغان حکومت وایي د هوايي ډګرونو په تړاو له قطر سره مذاکرات په بریالۍ توګه پای ته رسېدلي دي
د بهرنیو چارو وزارت له لوري په خپره شوې اعلامیه کې راغلي چې په پلازمینه دوحه کې د سرپرست وزیر امیرخان متقي او قطري چارواکو ترمنځ څو ورځې د هوایي ډګرونو پر مدیریت خبرې روانې وي او اوس دغه خبرې په بریالۍ توګه پای ته رسېدلې دي.
(2022 / 5 / 2 نېټه باغي ټلویزیون)
بشپړ راپور
افغان حکومت وایي د هوايي ډګرونو په تړاو له قطر سره مذاکرات په بریالۍ توګه پای ته رسېدلي دي.
د بهرنیو چارو وزارت له لوري په خپره شوې اعلامیه کې راغلي چې په پلازمینه دوحه کې د سرپرست وزیر امیرخان متقي او قطري چارواکو ترمنځ څو ورځې د هوایي ډګرونو پر مدیریت خبرې روانې وي او اوس دغه خبرې په بریالۍ توګه پای ته رسېدلې دي.
سرچینه وایي دواړه لوري توافق ته رسېدلي چې ژر به د هوایي ډګرونو د مدیریت چارې پيلېږي او په دې پرخه کې به د دواړو لورو تخنیکي ټیمونه پر اړتیاوو او وړتیاوو بحثونه کوي.
بهرنیو چارو وزارت وایي تمه کېږي چې د هېواد څو لوی هوايي ډګرونه له نړیوالو معیارونو سره سم ورغول شي او د قطر او ترکیې په ګډه همکارۍ به یې چارې مخ ته وړل کېږي.
Leave a Reply