بایډن اوکراین سره د ۳۳ میلیارده اضافي مرستې اعلان وکړ  

بایډن اوکراین سره د ۳۳ میلیارده اضافي مرستې اعلان وکړ  

د دې اعلان شوې مرستې ۲۰ میلیارد ډالر پوځي مرستو، ۸ نیم میلیارد اقتصادي برخې او ۳ میلیارد بشردوستانه مرستو ته غوښتل شوي دي. بایډن ویلي امریکا پر اوکراین تر یرغل وروسته چپه نشوه پاتې کېدای خو دا ټینګار یې هم کړی چې هېواد یې پر روسیې برید نه کوي.

(2022 / 4 / 29  نېټه باغي ټلویزیون)

بشپړ راپور 

د امریکا ولسمشر جو بایډن د دغه هېواد له کانګرسه د راتلونکو پنځو میاشتو لپاره اوکراین سره د پوځي، اقتصادي او بشردوستانه مرستو لپاره ۳۳ میلیارده ډالره غوښتي دي. بایډن ټینګار کړی چې مهمه ده امریکايي قانون جوړونکي د مرستو دغه ټولګه تایید کړي.

د دې اعلان شوې مرستې ۲۰ میلیارد ډالر پوځي مرستو، ۸ نیم میلیارد اقتصادي برخې او ۳ میلیارد بشردوستانه مرستو ته غوښتل شوي دي. بایډن ویلي امریکا پر اوکراین تر یرغل وروسته چپه نشوه پاتې کېدای خو دا ټینګار یې هم کړی چې هېواد یې پر روسیې برید نه کوي.

هغه کانګرس ته استولي لیک کې که څه هم وايي چې اروپايي ټولنې او د ناټو متحدانو له اوکراین سره دفاعي مرستې پراخې کړې، خو د امریکا له اړخه هم په دې اړه اضافي پانګونې ته اړتیا ده.