د ا.ا رئیس الوزرا ویلي چې د میس عینک د استخراج ستونزې هوارې کړل شي

د ا.ا رئیس الوزرا ویلي چې د میس عینک د استخراج ستونزې هوارې کړل شي

د اقتصادي چارو شنونکي وایي چې د مس عینک د استخراج له پیل سره به افغانستان په کلني ډول ۲۴۰ تر ۳۰۰ میلیون ډالرو پروې درامد ولري. په ورته وخت کې به له درې تر څلور زره کسانو ته پکې په مستقیم او له دېرش تر څلوېښت زره کسانو ته په غیر مستقیم ډول د کار زمینه برابره شي.

(2022 / 4 / 29 نېټه باغي ټلویزیون)

بشپړ راپور

د افغانستان ا.ا رییس الوزرا د کابینې غونډه کې اقتصادي کمیسیون ته دنده سپارلې ده چې د مس عینک کان د استخراج برخه کې شته ستونزې حل کړي.

په غونډه کې دغه راز ویل شوي چې یاد قرارداد باید له سره وکتل شي او پکې موجود خنډونه دې هر څه ژر له منځه یوړل شي.

د ا.ا د ویاند مرستیال بلال کریمي ویلي چې کابینې غونډه کې پرېکړه شوې ده چې د یاد کان د استخراج چارې دې نورې نه ځنډنۍ کېږي او هر څه ژر دې یې د استخراج پر وړاندې موجودې ستونزې حل کړل شي.

د اقتصادي چارو شنونکي وایي چې د مس عینک د استخراج له پیل سره به افغانستان په کلني ډول ۲۴۰ تر ۳۰۰ میلیون ډالرو پروې درامد ولري.

په ورته وخت کې به له درې تر څلور زره کسانو ته پکې په مستقیم او له دېرش تر څلوېښت زره کسانو ته په غیر مستقیم ډول د کار زمینه برابره شي.