ا.ا وايي چې نړۍ سره پر دوه اړخیز درناوي ولاړې اړیکې غواړي
په دې اعلامیه کې راغلي چې افغانانو په وروستۍ پېړۍ کې په څو جګړو کې د خپل هېواد د ابادۍ او ازادۍ لپاره بې شمېره قربانۍ ورکړې دي او اوس هم له خپل هېواد ددفاع لپاره تیار دي.
(2022 / 4 / 28 نېټه باغي ټلویزیون)
بشپړ راپور
افغان حکومت وايي له نړیوالو سره د دوه اړخیز درناوي پر بنسټ ولاړې اړیکې غواړي. د ثور د اتمې په مناسبت د افغانستان د ا.ا له لوري په خپره شوې اعلامیه کې راغلي چې دوی د ثور اوومه توره ورځ بولي چې له امله یې په افغانستان کې جګړې رامنځ ته شوې خو د ثور اتمه نمانځي او هغه د افغان ولس د بریا ورځ بولي.
په دې اعلامیه کې راغلي چې افغانانو په وروستۍ پېړۍ کې په څو جګړو کې د خپل هېواد د ابادۍ او ازادۍ لپاره بې شمېره قربانۍ ورکړې دي او اوس هم له خپل هېواد ددفاع لپاره تیار دي.
افغان حکومت وایي دوی د هېچا پر وړاندې د جګړې اراده نه لري، په هېڅ هېواد کې مداخله نه کوي او د هېچا مداخله نه مني، نو له همدې امله له نړیوالو سره پر متقابل درناوي ولاړې اړیکې غواړي.
Leave a Reply