سوېلي وزیرستان کې دوه پاکستاني پوځیان وژل شوي او څلور ټپیان دي

سوېلي وزیرستان کې دوه پاکستاني پوځیان وژل شوي او څلور ټپیان دي

دغه بریدونه په داسې مهال کېږي چې پرون په کراچۍ کې د یوه ځانمرګي برید په پایله کې د یوه پاکستاني په ګډون درې چینايي استادان وژل شوي وو.

د دغه ځانمرګي برید پړه د بلوڅ ازادي غوښتونکې ډلې پر غاړه اخیستې او ویلي یې دي چې برید یوې ښځې کړی دی.

(2022 / 4 / 27  نېټه باغي ټلویزیون)

بشپړ راپور 

د پاکستان په سوېلي وزیرستان کې د یوه وسله‌وال برید پرمهال دوه پاکستاني پوځیان وژل شوي او څلور نور ټپیان دي.

د پاکستان پوځ په یوې خبرپاڼه کې ویلي چې برید د سوېلي وزیرستان په سراروغه سیمه کې شوی دی.

د یاد برید مسوولیت د پاکستاني طالبانو تحریک یا «ټي‌ټي‌پي‌» پر غاړه اخیستی دی.

بل‌خوا د پاکستان پوځ ویلي چې وسله‌والو بریدګرو ته یې په ځوابه برید کې سخت زیان اړولی دی.

له دې وړاندې په روانه اوونۍ کې هم وسله‌والو کسانو د شمالي وزیرستان په دیواګار سیمه کې د یوه برید پرمهال درې پاکستاني سرتیري وژلي وو.

دغه بریدونه په داسې مهال کېږي چې پرون په کراچۍ کې د یوه ځانمرګي برید په پایله کې د یوه پاکستاني په ګډون درې چینايي استادان وژل شوي وو.

د دغه ځانمرګي برید پړه د بلوڅ ازادي غوښتونکې ډلې پر غاړه اخیستې او ویلي یې دي چې برید یوې ښځې کړی دی.