د روسیې د بهرنیو چارو وزیر ویلي چې، لۀ ټول شموله حکومت جوړېدو پرته ا.ا پر رسمیت نۀ پېژنو 

د روسیې د بهرنیو چارو وزیر ویلي چې، لۀ ټول شموله حکومت جوړېدو پرته ا.ا پر رسمیت نۀ پېژنو 

بشري حقونو ته درناوی او د ټولګډونه حکومت جوړيدل د نړيوالې ټولنې له لوري ا.ا ته د په رسميت پېژندې شرطونه دي، خو ا.ا وايي چې حکومت يې ټولګډونه دی او بشري حقونو ته هم درناوی لري. د ا.ا د چارواکو له دې ادعاوو سره سره هم د نړۍ هيڅ هيواد ا.ا په رسميت نه دی پېژندلی.

(2022 / 4 / 27  نېټه باغي ټلویزیون)،

د روسیې د بهرنیو چارو وزیر سرګي لاوروف وايي که په افغانستان کې رښتینی ټولګډونه حکومت جوړ شي، نو دوی به د ا.ا د په رسميت پېژندنې لپاره اقدام وکړي.

هغه دا څرګندونې پرون په مسکو کې د ملګرو ملتونو له عمومي منشي انتونيو ګوتېرش سره تر ليدنې وروسته په يوه خبري کنفرانس کې وکړې.

د روسيې تاس خبري اژانس د لاوروف له خولې ويلي، چې د افغان حکومت همه شموليت به يې په راتلونکو ګامونو کې ټاکونکی رول ولري.

د روسيې د بهرنيو چارو د وزير دا څرګندونې په داسې حال کې دي چې مسکو د روانې مياشتې په لومړيو کې د لومړني هيواد په توګه په ښکاره د ا.ا ديپلومات ته د باورليک ورکول اعلان کړل.

بشري حقونو ته درناوی او د ټولګډونه حکومت جوړيدل د نړيوالې ټولنې له لوري ا.ا ته د په رسميت پېژندې شرطونه دي، خو ا.ا وايي چې حکومت يې ټولګډونه دی او بشري حقونو ته هم درناوی لري. د ا.ا د چارواکو له دې ادعاوو سره سره هم د نړۍ هيڅ هيواد ا.ا په رسميت نه دی پېژندلی.